السلام عليكم

كيفكم صبايا عساكم زينيين

كيفكم مع الخلطات والكريمات ههههههههههههههههههههه متعذبين صح واللي يقهر اكثر ان بعضها ماتجيب نتيجه وخساره فلوووووس على الفاضي

انا كنت اصرف نص مكافاتي الجامعيه عشان الكريمات وطقتها وقسما بالله مااستفدت شى لكن وحده نصحتني بطريقه جنااان

تحتاجيين :

1- ليمونتين

2- جليسوليد الاحمر

3- باكينج باودر ( حق الفطاير رهيييب )

4- صابونه الحليب سعرها 10 ريال

5- مسك ابيض سائل تلاقينه في درعه او في الدخيل

اولا اثناء الاستحمام افركي بنص ليمونه مع باكينج باودر ( انا اول مااستعملته احرقني لكن نتيجته ارضتني ) وبعدين اشطفي بالماء

ثانيا اغسلي الابط جيدا بالصابونه

بعد الانتهاء من الاستحمام استخدمي خليط ( عصير الليمونتين مع الجليسوليد والمسك الابيض السائل ) وادهني فيها الابط واستعملي الخليط هذا كل يوم قبل النوم وبتشوفين النتيجه

ملاحضه اذا بشرتك حساسه ابتعدي عن الباكينج باودر واستعملي الصابونه فقط والخليط

ابتعدي عن مزيلات الرائحه الصناعيه لان لها تاثيرا سلبيا على الابط وخليك على الخلطه اللي ذكرتها وراح تلاحضين ان الرائحه اختفت وان الابط صار لونه تقريبا مثل لون الجسم ومع الوقت والاستمرار راح يصير لون الابط فاااااتح جدا مثلي

اتمنى اللي عارفه ان بشرتها حساسه تبتعد عن الباكينج باودر والليمون وتستبدل الليمون في الخلطه بماء الورد

اتمنى اكون افتدتكم

والله يوفق الجميع لما يحب ويرضى